السلام عليكم ورحمة الله وبركاته
{راح أتكلم بالعامي حتى يكون اكثر تقبل}
اليوم قررت اقولكم سر أستجابة ادعيتي بس بالأول بقولكم قصص استجاب الله لي ولله الحمد
الحكمهـ من طرحي القصص أحتمال وحدهـ صار لها مثلي ويأست فيرجع لها الأمل طبعا
قصصي كثيرهـ ومستحيلهـ
بس تعرفون بعضها مأقدر اقولها بسبب انها شخصيهـ فبذكر لكم القليل حتى تعم الفايدهـ
قصتي الاولى :
كنت اتمنى امر يحصل لي معليش ماأقدر اذكره لانهـ شخصي كنت ادعي اربع سنوت كاااان مستحيل
يتحقق لكن الله مافي شي مستحيل عليهـ كثفت الأسرار اللي بذكرها آخر شي
أستجاب الحمدالله بأسبووعين
قصتي الثانيهـ :
أنا مصابهـ بمرض السكر وأضرب الأبر وكانت ايدي ورجلي
متوورمه بشكل ملحوظ ودعيت ربي مع أسرار استجابة الدعاء
الحمدالله خلال شهر خف التورم مررهـ بس كان تورم خفيف مايبان
عشان يسهل علي ضرب الأبر
قصتي الثالثهـ :
شعري وماأدراك ماشعري كان يتساقط بشكل ملحوظ ومقصصصف وبشرتي تعبااانه وفيها حبوب ونفسيتي تعبانهـ
ودعيت ربي مع الأسرار بأن تتحسن بشرتي وشعري ونفسيتي الشكر لربي تغيرت 180 درجهـ بدون استخدام شي الكل
منهبل مني<<هذي القصهـ للي يحبون الجمال
قصتي الرابعهـ :
كنت محتاجهـ مبلغ من المال تعرفون البنات طلباتهم ماتخلص
قمت دعيت ربي مع الأسرار <<الخلطهـ
اليوم الثاني جاني المبلغ لاتسألوني كيف المهم جاء واكثر من اللي أتمنى
طبعا هذي قصص بسيطهـ الله منَ علي بالكثيير بس زي ماقلت قبل تحفظا<<لاأحد يلومها
هذي الأسرار اللي سويتها لاتقولون يوووهـ هذي نعرفها ابغاكم تدققون فيها او سويتها ومانفع لايدخلكم اليأس
والسر الكبير آآخر شي لاتقرون هذي الأسرار وتطلعون , اصبروا باقي سر كبييييير بقولهـ بالأخير!!
الأسرار :
1 /طبعا لازم تكون شخص مصلي ومتأكدهـ الكل يصلي .
2/الألحاااح خلي ادعيتك ثلاث مرات وكثري من أسماء الله الحسنى وانا كنت اكرر ((اللهم يامالك الملك,,اللهم ياحي ياقيوم,,اللهم يارحمن يارحيم ,,اللهم ياحليم ياعليم))اكررهم ثلاث مرات
3/الأستغفار شي عجييييييب لو أقول من هنا لبكرهـ ماوفيت حقهـ أنصحكم فيهـ والتسبيح
4/لاحول ولاقوة الابالله شي عظيييم قوليهـ كل يوم مية مرهـ اقل شي راح تتحول حياتك من شقاء الى سعادهـ
ومن مرض الى صحه لان معناها التحول من حال الى حال بفضل الله .
5/آهم شي بالدعاء الدعاء للغير لاتتهاونون فيهـ لو ان شاءالله دعيتي ان الله يشافيك
من النمش اللي بوجهك وادعي ان يشافي لكل من يعاني منه
<<جبت هذا المثال الصغييير القصد
انه بصغيرهـ وكبيرهـ ادعي للغير وهكذا بكل شي
6/كثروا من لاإله الا انت سبحانك اني كنت من الظالمين واللهم اني انا المضطر وانت المجيب
هذي أكثر شي كنت اسوويهـ زيدو عليها من عندكم كل مازاد كان احسن أجر واسرع استجابة دعاء...
لاتروحون السر الكبير لازم تقرونهـ قريته مرهـ ومانسيتهـ ولامرهـ ,,,
السر الكبير :
السر الكبير هو انك تدعين اذا حسيت بملل او شفتي انك متكاسلهـ تدعين قومي غصب ادعي
اوضح اكثر اذا بديتي حسيتي انك دعيتي و ماأستجاب وبديت كأن الملل يدخل
قومي وانت بعز مللك وصلي وادعي
تدرون ليش...؟
لاني قريت اذا الأنسان بدأ يمل هذا معناتهـ ان استجابة الدعاء
قربت والشيطان يلهيك عن الدعاء عشان تفوتك الفرصهـ
من يوم قريت هالكلام وأنا اذا مليت اقوم بسسرعه اتوضى وأصلي
بنات الملل يعني قررب استجابة الدعاء صلي حتى لو انك طاقهـ مو تبين الله يستجيب لك
سوي اللي تكرهه نفسك
لترضي ربك اللي بيدهـ كل شيء سبحااانهـ
صدقوني الفرج قريب دام فوقك ربُ رحيم لاتستعجلووون استجابة الدعاء الله أدرى بمصلحتك
يمكن اذا استجاب لك بدل ماتكون من صالحك تصير ضدك بالدنيا او الأخرهـ
ابغى كل من قرى موضوعي يدعي لي و لوالداي بالتوفيق و الهداية
موضوع: عايز ربنا يستجيب دعائك ليك عندى طريقة ممتازة 
الأحد يونيو 21, 2009 9:34 am