طبعا مستنييييين
ومهتمييين بالحاجه اللى هتفيدكم
من الاخر كده .........هاتى حبه من اللى عندك وانا اقولك هتستفيدى ايه
ايه .......فلوس (العين بصيره والايد قصيره )
يا ستى لالالالالالالا
امال ايه......اكل (لسه مخلصين غدا معلش حماتك مش بتحبك)
يا ستى لالالالا ادينى فرصه طيب
سكتت اهو عاوزه ايه بقى
عاوزه منك ............دمك
يالهوىىىىىىىى حرام عليكى هو انا فيا (ده اللى عندى يا دوبك مقضينى )
طيب خليكى معايا وانا اشرحلك واحده واحده عشان ما تتخضيش
ولو مش عاجبك بين المسلم واخوه يفتح الله
>شروط التبرع<
1 .السن من 18 - 50
(الرجال 13-17)
ودى هنقيسهالك لما تيجى ما تقوليش مش عارفاها
2.نسبة الهيموجلوبين (السيدات 12-16 )
3.ان تكون لك رغبه فى التبرع(بمزاجك ومش مغصوب ومش مستنى هديه)
4.ان تكون بصحه جيده يوم التبرع
>فوائد التبرع<
1.عملية التبرع تجدد خلايا الدم وعيد للجسم حيويته ونشاطه
2.يمكن للمتبرع الاطمئنان على صحته عن طريق نتائج فحوصات دمه بالاضافه الى فصيلة دمه
3.كيس الدم يمكن ان تنقذ به ثلاث اشخاص عندما يفصل الى مكوناته الاساسي
4.كل ثلاث ثوانى هناك شخص فى مكان فى العالم يحتاج الى نقل دم """"قول الحمد لله انك مش منهم"""""
انا بقى بتكلم فى ده لييييه ؟؟
عشان فى اطفال يا حرام عندهم مرض اتخلقوا بيه اسمه (انيميا البحر المتوسط) المرض عباره عن سرعه فى تكسير كرات الدم الحمرا او البيضاء او الصفائح الدمويه ومفيش حل غي انهم يعيشوا على نقل الدم دائما وابداااا
نحن متطوعى جمعية رساله ننظم حمله شهريه للتبرع لصالح الاطفال دول وحلالات الطوارىء وبس
الحمله دى بقى الخميس الاول من كل شهر طووووووول السنه
ماشاء اللهعندنا ناس ربنا يبارك فيهم بيجوا منتظمين
كل 4 شهور (للبنات )
كل 3 شهور(للاولاد)
بجد ده حاجه عظيمه وانا بنفسى واحده من اللى بيتبرعوا وبينظموا الموضوع فى نفس الوقت
وطبعا ربنا هيجزيكوا على عمل الخير دة
موضوع: لو انتى اكبر من 18 سنة هقولك على حاجة مفيدة اوى (هاتى ودنك) 
الأربعاء يونيو 24, 2009 3:03 am